Hər il keçirilən “ADEX” sərgisi hərbi-texniki əməkdaşlıq sahəsində beynəlxalq əlaqələrin inkişafında əhəmiyyətli rolu olan, müasir silah və texnologiyalar istehsal edən hərbi sənaye müəssisələrini, mütəxəssisləri, aidiyyəti beynəlxalq qurumları bir araya gətirən çox səmərəli və nüfuzlu bir platformadır.   

İştirakçı şirkətləri artan və ildən-ilə Azərbaycanda dövlət səviyyəsində dəstəklənən bu layihə, eyni zamanda müdafiə sənayesi nailiyyətlərinin dünyada tanıdılmasına, təşviqinə, elmi və texnoloji potensialın güclənməsinə bilavasitə əlverişli zəmin yaradır.  

Ölkəmizdə cinayətkarlığa, onun transmilli növlərinə qarşı mübarizədə, ictimai asayişin və daxili təhlükəsizliyin təmin edilməsi kimi mühüm istiqamətlərdə müvəffəqiyyətlə tətbiq olunan müasir texnologiyalar insanların həyatının, sağlamlığının, qanuni mənafelərinin, hüquq və azadlıqlarının qorunması işində öz effektivliyini tam təsdiqləmiş və innovasiyaların müsbət nəticələri müvafiq statistik hesabatlarda aydın ifadə olunur.  

Qeyd edilənlər, həmçinin əhəmiyyətliliyi baxımından müdafiə sənayesi nailiyyətlərinin məhz Bakı şəhərində təşviqini çox önəmli beynəlxalq tədbir olaraq alqışlayır, sərgilərin açılışı münasibətilə təşkilatçılarını və iştirakçılarını ürəkdən təbrik edir, dəyərli fəaliyyətlərində yeni-yeni uğurlar arzulayıram! 

Böyük qürur və fəxarət hissi ilə bildirirəm ki, Ümummilli Lider Heydər Əliyevin dahi uzaqgörənliklə əsasını qoyduğu və möhtərəm Prezidentimiz, Müzəffər Ali Baş Komandan cənab İlham Əliyevin müdrik rəhbərliyi ilə müasir dövrün reallıqlarına uyğun qətiyyətlə həyata keçirilən uğurlu daxili və xarici siyasət, reallaşdırılan irimiqyaslı islahatlar, qlobal layihələr sayəsində sabitlik və təhlükəsizlik, inkişaf və tərəqqi məkanına çevrilmiş ölkəmizin dünya birliyində yeri müstəsna dərəcədə möhkəmlənmişdir.

Yenilməz Sərkərdə, Müzəffər Ali Baş Komandan cənab İlham Əliyevin rəhbərliyi ilə ərazi bütövlüyünü və suverenliyini tam bərpa etmiş müasir Azərbaycan müstəqillik yollarında inamlı addımlarla irəliləyir. Regionun lideri kimi güclü, sabit, müasir, demokratik və multikultural bir dövlətə çevrilmiş müstəqil Azərbaycan bu gün özünün hərbi-siyasi, sosial-iqtisadi nailiyyətləri ilə dünyanın diqqət mərkəzindədir.

Cəmiyyətin təhlükəsizliyinin qorunması, əhali və ərazilərin mümkün fövqəladə hallardan mühafizəsi və mülki müdafiə məsələlərinə hər zaman xüsusi həssaslıqla yanaşan möhtərəm Prezident cənab İlham Əliyevin müvafiq Sərəncamı ilə 2005-ci il dekabrın 16-da yaradılmış Azərbaycan Respublikasının Fövqəladə Hallar Nazirliyi dövlətimizin başçısının diqqət və qayğısı ilə qısa müddətdə çevik və tam formalaşmış bir quruma çevrilmişdir. Bu gün ən müasir maddi texniki-təchizata və güclü kadr potensialına malik Fövqəladə Hallar Nazirliyi nəinki ölkəmizdə, digər dövlətlərdə belə baş verə bilən istənilən təbii və texnogen xarakterli fövqəladə hadisə ilə uğurla mübarizə aparmaq gücünə malikdir.

Hər bir Azərbaycan vətəndaşının qürur mənbəyi olan Silahlı Qüvvələrimizin ən müasir silah, sursat və hərbi texnika ilə təchiz edilməsi, milli müdafiə sənayesinin daim təkmilləşdirilməsi istiqamətində atılan addımlar ölkəmizin təhlükəsizliyinin hər zaman yüksək səviyyədə saxlanılması, mümkün təhdidlərin minimuma endirilməsi baxımından mühüm əhəmiyyət kəsb edir. Yarandığı vaxtdan ötən dövr ərzində böyük inkişaf yolu keçən, ən müasir standartlar səviyyəsində istehsal imkanlarını ildən-ilə genişləndirən Azərbaycan Respublikasının Müdafiə Sənayesi Nazirliyi yeni nəsil müdafiə təyinatlı müxtəlif məhsullar və hərbi-texniki vasitələr istehsal edir, yerli istehsalın ən yeni nailiyyətləri müxtəlif ölkələrdə keçirilən beynəlxalq sərgilərdə yüksək səviyyədə nümayiş olunur. Həmin məhsullar beynəlxalq bazarlara çıxarılır, xarici ölkələrə uğurla ixrac olunur.

Qeyd etmək istərdim ki, Azərbaycanda bu cür ixtisaslaşdırılmış sərginin keçirilməsi ölkəmizdə müdafiə sənayesinin inkişafına əlavə təkan verməklə yanaşı, sərgiyə olan beynəlxalq maraq, o cümlədən dünyanın aparıcı təhlükəsizlik, mühafizə və xilasetmə vasitələri istehsalçılarının burada təmsil olunması respublikamızın durmadan artan qlobal nüfuzundan, strateji əhəmiyyətindən xəbər verir.

Bir daha sərginin işində uğurlar arzulayır və əmin olduğumu bildirirəm ki, “Securex Caspian-2024” sərgisi qarşıya qoyulmuş məqsədlərə nail olacaq və sərgi iştirakçıları, ziyarətçilər və istehsalçılar arasında gələcək əməkdaşlıq münasibətlərinin formalaşmasına və bütövlükdə bu sahədə elmi-texnoloji inkişafa mühüm töhfə verəcəkdir.

Azərbaycan Respublikasının Prezidenti cənab İlham Əliyevin yürütdüyü uğurlu daxili və xarici siyasət nəticəsində Azərbaycan beynəlxalq aləmdə durmadan inkişaf edən, təhlükəsizliyin lazımi səviyyədə qorunduğu, dünyada stabilliyin təminatına layiqli töhfə verən ölkə kimi tanınmış, etibarlı tərəfdaş olaraq yüksək nüfuz qazanmışdır.

Qloballaşan dünyada yaranmış hazırkı mürəkkəb vəziyyət müasir təhlükəsizlik sisteminə olan təhdidlər, insan hüquq və azadlıqlarının kobud şəkildə pozulması, narkotik vasitələrin qanunsuz dövriyyəsi, terrorçuluq əməllərinin və digər transmilli cinayətlərin artması, yeni münaqişə ocaqlarının alovlanması, fövqəladə vəziyyətlər və müxtəlif bəşəri faciələrlə müşayiət olunmaqdadır. Bu kimi hallar ölkələrin sabitlik mühitini zərbə altına almaqla yanaşı, ümumilikdə dünyanın təhlükəsizlik arxitekturasını ciddi risklərlə üz-üzə qoymuşdur. Ötən dövrlərin praktikası sübut etmişdir ki, yaranan təhlükələrlə, baş verən mənfi təzahürlərlə dövlətlərin ayrı-ayrılıqda mübarizəsi səmərəsiz və effektivsizdir. Sadalanan yeni çağırışlara münasibətdə müsbət nəticəyə isə yalnız ölkələrin qarşılıqlı əməkdaşlıq əlaqələrini davamlı genişləndirmələri və ümumi səyləri ilə nail oluna bilər.

Eyni zamanda o da danılmazdır ki, dövlətin təhlükəsizliyinin qorunması, fövqəladə hallarla bağlı məsələlərin həllində, hüquq-mühafizə və xüsusi xidmət orqanlarının birgə fəaliyyətlərində xüsusi texniki vasitələrin rolu mühümdür və onların geniş tətbiqi böyük əhəmiyyət kəsb edir. Bu gün sözügedən xüsusi vasitələrin nümayişi üçün belə beynəlxalq sərgilərin təşkil edilməsi önəmli olmaqla, qonaqların yuxarıda qeyd edilən sahələr üzrə texnoloji yeniliklərlə əyani şəkildə tanış olmalarına əlverişli şərait yaradır.

Ümidvaram ki, ənənəvi olaraq keçirilən sərgidə nümayiş etdirilən və qabaqcıl şirkətlər tərəfindən istehsal edilmiş xüsusi texniki məhsullar iştirakçıların böyük marağına səbəb olacaq, onlar Azərbaycanın ictimai həyatında vacib hadisə olan bu beynəlxalq tədbirin verdiyi imkanlardan maksimum dərəcədə yararlana biləcəklər. İnanıram ki, həmin məhsulları hüquq- mühafizə və xüsusi xidmət orqanları da gələcək fəaliyyətlərində uğurla tətbiq edəcəklər.

“Securex Caspian-2024” 14-cü Beynəlxalq Daxili təhlükəsizlik, Mühafizə və Xilasetmə sərgisinin iştirakçılarını beynəlxalq tədbirin keçirilməsi münasibətilə bir daha ürəkdən təbrik edir, təşkilatçılara təşəkkürümü çatdırır, hamınıza müvəffəqiyyətlər diləyirəm.

Müasir dünyamızda baş verən proseslər, hər bir ölkənin təhlükəsizlik sistemində üzləşdiyi təhdidlər və çağırışlar, müdafiə və mühafizə imkanlarının güclən¬diril¬məsini, hərbi-texniki əməkdaşlıq fəaliyyətlərinin inkişaf etdirilməsini, milli müdafiə sənayesi potensialının yaradılmasını və təkmilləşdirilməsini zəruri edir.

Təməli Ulu Öndər Heydər Əliyev tərəfindən qoyulmuş milli təhlükəsizlik strategiyasının Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı cənab İlham Əliyev tərəfindən uğurla davam etdirilməsi uzun illər ərzində həyata keçirilmiş məqsədyönlü və düşünülmüş siyasət, dərin islahatlar nəticəsində ölkəmizin ən müasir standartlara uyğun təhlükəsizlik və müdafə imkanlarının yaradılmasına nail olunmuşdur.

Məhz bu meyarlar xalqımızın milli qürurunun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən və Azərbaycan tarixinin ən böyük sərkərdəsi, Müzəffər Ali Baş Komandan cənab İlham Əliyevin yorulmadan apardığı hərbi, siyasi, diplomatik mübarizəsi, qətiyyətli mövqeyi, Silahlı Qüvvələrimizin şücaəti, ölməz şəhidlərimizin qanı və xalqımızın birliyi - 44 günlük Vətən Müharibəsində Ermənistan üzərində parlaq Qələbəni və ölkəmizin suveren sərhədlərinin bərpa olunmasını şərtləndirdi. Bununla da Azərbaycan xalqı hərb tariximizə daha bir qəhrəmanlıq salnaməsi yazaraq özünün qalib xalq olduğunu bütün dünyaya sübut etdi.

Bu tarixi Zəfərimizin əldə olunmasında Dövlət Sərhəd Xidmətinin də əvəzolunmaz rolu olmuşdur. Vətən müharibəsinin başlandığı ilk gündən Ali Baş Komandanımız tərəfindən qarşıya qoyduğu döyüş tapşırıqları uğurla icra olunmuş, Azərbaycan sərhədçiləri əsl qəhrəmanlıq nümu¬nələri göstərərək tariximizə qalibiyyət dastanı yazmışlar.

Vətən müharibəsində ölkəmizin hərb sənayesinin istehsalı olan məhsulların döyüş meydanın¬da uğurlu tətbiqi bu sahədə uzun illər ərzində həyata keçirilmiş islahatların və məqsədyönlü fəaliyyətlərin real nəticəsi olmuşdur.

Azərbaycanın müdafiə sənayesi məhsullarının böyük sınağı məhz Vətən müharibəsi zamanı aparılan döyüş əməliyyatlar zamanı olmuşdur. Bu savaşda Müdafiə Sənayesi Nazirliyinin istehsalı olan müasir silah-sursatların, döyüş texnikalarının, mühəndis-texniki vasitələrin, pilotsuz uçuş aparatlarının uğurlu tətbiqi tarixi Qələbənin qazanılmasında mühüm rol oynamışdır.

Əminəm ki, gələcəkdə də bu kimi sərgilərin mütəmadi olaraq keçirilməsi ölkəmizin müdafiə qüdrətinin və nüfuzunun artmasına, Silahlı Qüvvələrin texniki cəhətdən daha yeni silahlarla təchiz olunmasına öz dəyərli töhfəsini verəcək, hərbi-texniki sahədə yerli və xarici mütəxəssislər arasında səmərəli əlaqələrin qurulmasına, müdafiə təyinatlı məhsulların ixracının artmasına şərait yaradacaqdır.